Përgatisim sherbetin

• Në një tenxhere hedhim ujin dhe sheqerin dhe i përziejmë lehtë.
• E vendosim në zjarr dhe, pasi të fillojë të vlojë, e lëmë të ziejë rreth 10 minuta.
• E largojmë nga zjarri dhe e lëmë të vaket.

Përgatisim brumin

• Në një enë rrahim vezët me sheqerin dhe sheqerin vanilje derisa sheqeri të shkrihet.
• Shtojmë gjalpin e shkrirë dhe ajkën dhe i përziejmë mirë.
• Shtojmë biskotat e bluara, miellin dhe pluhurin për pjekje dhe i përziejmë derisa të formohet një brumë i butë – brumi nuk duhet të bëhet shumë i fortë.

Pjekja

• Vendosim brumin në tepsi dhe i japim formën e dëshiruar.
• Sipër vendosim bajamet.
• E pjekim në 220 °C për rreth 20 minuta, derisa të marrë një ngjyrë të artë.

Sherbetosja

• Pasi të piqet, e lëmë tatëlin të pushojë rreth 5 minuta.
• I hedhim sipër sherbetin e vakët.
• E lëmë të thithë mirë sherbetin për disa orë përpara se ta shërbejmë.